Безбедносни напомени
Прочитајте ги сите безбедносни напомени и упатства. Грешките настанати како резултат од непридржување до безбедносните напомени и упатства може да предизвикаат електричен удар, пожар и/или тешки повреди.
Чувајте ги безбедносните напомени и упатства за користење и за во иднина.
- Ова лемило не е предвидено за користење од страна на деца и лица со намалени психички, физички или душевни способности или недоволно искуство и знаење. Инаку постои опасност од погрешна употреба и повреди.
- Ова лемило може да го користат деца над 8 години како и лица со ограничени физички, сензорни и ментални способности или со недоволно искуство и знаење, доколку се под надзор од лица одговорни за нивната безбедност или се подучени за безбедно ракување со лемилото и ги разбираат опасностите кои може да произлезат од тоа. Инаку постои опасност од погрешна употреба и повреди.
Носете заштитни очила и заштитна облека при лемење. Течниот лем и прскањата при лемење може да предизвикаат изгореници или оштетувања на очите.
Врвот за лемење станува многу жежок при работа. При контакт со кожата може да добиете изгореници. Оставете го врвот за лемење да се излади пред да го допрете.
- Кога не го користите, оставете го лемилото така што врвот за лемење да не допира ништо. Со тоа ќе избегнете жешкиот врв за лемење да дојде во контакт со запалив материјал.
- Никогаш не оставајте го вклученото лемило без надзор. Постои опасност од пожар и повреда.
- Отстранете ги запаливите или лесно запаливите материи од околината кога работите со лемилото. Постои опасност од пожар.
- Оставете го лемилото да се излади и извадете ја батеријата пред да го замените врвот за лемење, да го транспортирате или да го складирате лемилото. Постои опасност од пожар и повреда.
- Работете во добро проветрена средина. Може да се доведете во опасност ако вдишувате штетни испарувања од лем или паста за лемење.
- Не лемете проводници под напон и избегнувајте лемење во близина на проводници под напон. Постои опасност од струен удар.
- Не модифицирајте и отворајте ја батеријата. Постои опасност од краток спој.
- При оштетување и непрописна употреба на батеријата може да излезе пареа. Батеријата може да се запали или да експлодира. Внесете свеж воздух и доколку има повредени однесете ги на лекар. Пареата може да ги надразни дишните патишта.
- При погрешно користење или при оштетена батерија може да истече запалива течност од батеријата. Избегнувајте контакт со неа. Доколку случајно дојдете во контакт со течноста, исплакнете со вода. Доколку течноста дојде во контакт со очите, побарајте лекарска помош. Истечената течност од батеријата може да предизвика кожни иритации или изгореници.
- Батеријата може да се оштети од острите предмети како на пр. клинци или одвртувач или со надворешно влијание. Може да дојде до внатрешен краток спој и батеријата може да се запали, да пушти чад, да експлодира или да се прегрее.
- Неупотребената батерија држете ја подалеку од канцелариски спојувалки, клучеви, железни пари, клинци, завртки или други мали метални предмети, што може да предизвикаат премостување на контактите. Краток спој меѓу контактите на батеријата може да предизвика изгореници или пожар.
- Користете ја батеријата само во производи од производителот. Само на тој начин батеријата ќе се заштити од опасно преоптоварување.
- Батериите полнете ги со полначи што се препорачани исклучиво од производителот. Доколку полначот за кој се наменети одреден вид на батерии, се користи со други батерии, постои опасност од пожар.
Заштитете ги батериите од топлина, на пр. од долготрајно изложување на сончеви зраци, оган, нечистотии, вода и влага. Инаку, постои опасност од експлозија и краток спој.
- Не оставајте го лемилото врз батеријата. При превртување, лемилото може да се оштети.