Қауіпсіздік нұсқаулары
Барлық қауіпсіздік нұсқаулықтарын және ескертпелерді оқыңыз. Техникалық қауіпсіздік нұсқаулықтарын және ескертпелерді сақтамау тоқтың соғуына, өрт және/немесе ауыр жарақаттануларға алып келуі мүмкін.
Болашақ жұмыстар үшін қауіпсіздік нұсқаулықтары мен ескертпелерді сақтап қойыңыз.
- Бұл дәнекерлеуіш балалардың және дене немесе ақыл-ой қабілеттері шектеулі немесе тәжірібесі мен білімі жеткіліксіз адамдардың пайдалануына арналмаған. Кері жағдайда дұрыс пайдаланбау және жарақат алу қаупі туындайды.
- Осы дәнекерлеуішті 8 жасқа толған балалар және дене, сезім немесе ақыл-ой қабілеттері шектеулі немесе тәжірібесі және білімі жеткіліксіз адамдар олардың қауіпсіздігі үшін жауапты тұлғаның бақылауында болған жағдайда немесе осы тұлғадан дәнекерлеуішті қауіпсіз пайдалану туралы нұсқау алып, қатысты тәуекелдерді түсінген жағдайда пайдалана алады. Кері жағдайда дұрыс пайдаланбау және жарақат алу қаупі туындайды.
Дәнекерлеу кезінде қорғаныш көзілдірік пен қорғаныш киім киіп жүріңіз. Сұйық дәнекер және дәнекердің шашырандысы теріні күйдіруі немесе көзге жарақат тигізуі мүмкін.
Дәнекерлеуші ұшы жұмыс кезінде қатты қызып кетеді. Теріге тиген жағдайда, тері күйіп қалуы мүмкін. Дәнекерлеуші ұшын ұстамас бұрын ол суығанша күтіңіз.
- Дәнекерлеушіні пайдаланбаған кезде дәнекерлеуші ұшы ешнәрсеге тимейтіндей етіп қойыңыз. Осылайша ыстық дәнекерлеуші ұшының тұтанғыш материалмен жанасуына жол бермейсіз.
- Қосылған дәнекерлеушіні ешқашан бақылаусыз қалдырмаңыз. Өрт және жарақат алу қаупі бар.
- Дәнекерлеушімен жұмыс істеу кезінде айналаңыздан тұтанғыш немесе жанғыш материалдарды кетіріңіз. Өрт қаупі бар.
- Дәнекерлеуші ұшын алмастыру, дәнекерлеушіні тасымалдау немесе сақтауға қою алдында дәнекерлеушіні суытып, аккумуляторды шығарыңыз. Өрт және жарақат алу қаупі бар.
- Жақсы ауа алмасуы бар ортада жұмыс істеңіз. Дәнекер мен дәнекерлеу пастасынан шыққан денсаулыққа зиянды буды ішке тарту салдарынан өзіңізге қауіп төндіруіңіз мүмкін.
- Ток өткізгіш сымдарды дәнекерлемеңіз және ток өткізгіш сымдардың жанында дәнекерлеуден сақ болыңыз. Ток соғу қаупі бар.
- Аккумуляторды өзгертпеңіз және ашпаңыз. Қысқа тұйықталу қаупі бар.
- Аккумулятор зақымдалған немесе дұрыс пайдаланылмаған жағдайда, одан бу шығуы мүмкін. Аккумулятор жанып немесе жарылып қалуы мүмкін. Таза ауа ішке тартыңыз және шағымдар болса, дәрігердің көмегіне жүгініңіз. Бу тыныс алу жолдарын тітіркендіруі мүмкін.
- Аккумулятор дұрыс пайдаланылмаған немесе зақымдалған жағдайда, аккумулятордан сұйықтық ағуы мүмкін. Оған тимеңіз. Кездейсоқ теріге тигенде, сол жерді сумен шайыңыз. Сұйықтық көзге тисе, медициналық көмек алыңыз. Аккумулятордағы сұйықтық теріні тітіркендіруі немесе күйдіруі мүмкін.
- Шеге немесе бұрауыш сияқты ұшты заттар немесе сыртқы әсер арқылы аккумулулятор зақымдануы мүмкін. Бұл қысқа тұйықталуға алып келіп, аккумулятор жануы, түтін шығаруы, жарылуы немесе қызып кетуі мүмкін.
- Пайдаланылмайтын аккумуляторды түйіспелерді тұйықтауы мүмкін қыстырғыштардан, тиындардан, кілттерден, шегелерден, винттерден және басқа ұсақ темір заттардан сақтаңыз. Аккумулятор түйіспелерінің арасындағы қысқа тұйықталу күйіктерге немесе өртке әкелуі мүмкін.
- Бұл аккумуляторды тек қана осы өндіруші өнімдерінде пайдаланыңыз. Сол арқылы аккумуляторды қауіпті, артық жүктеуден сақтайсыз.
- Аккумуляторлық батареяны тек өндіруші көрсеткен зарядтау құрылғысымен зарядтаңыз. Зарядтау құрылғысы белгілі бір аккумуляторлар түріне арналған, оны басқа аккумуляторларды зарядтау үшін пайдалану өрт қаупін тудырады.
Аккумуляторды жылудан, сондай-ақ, мысалы, үздіксіз күн жарығынан, оттан, кірден, судан және ылғалдан қорғаңыз. Жарылыс және қысқа тұйықталу қаупі туындайды.
- Дәнекерлеуішті аккумулятор үстіне қоймаңыз. Дәнекерлеуіш құлаған жағдайда зақымдалуы мүмкін.