Совети при работењето
- Пред секое работење на електричниот алат (на пр. одржување, промена на алатот итн.) извадете ја батеријата од електричниот алат. При невнимателно притискање на прекинувачот за вклучување/исклучување постои опасност од повреди.
- Почекајте додека електричниот алат сосема не прекине со работа, пред да го тргнете настрана.
- Електричниот алат не е погоден за стационарна употреба. Тој не смее на пр. да се прицврстува на менгеме или на работна клупа.
Изберете го бројот на вртежи со кој сакате да го обработите делот што се обработува.
Поставете го електричниот алат со целата површина за брусење на подлогата што се обработува, а потоа вклучете го и движете го со благ притисок преку парчето што го обработувате.
Следете ги упатствата за абразивот (суво или влажно брусење).
Само беспрекорните брусни листови може да придонесат за добар капацитет на брусење и одржување на електричниот алат.
Внимавајте на рамномерноста на притисокот, за да го зголемите рокот на употреба на алатот што се бруси.
Прекумерното зголемување на притисокот врз површината не води кон зголемен капацитет на брусење, туку кон поголемо изабување на електричниот алат и предвремено откажување на брусната плоча.
Поставете брусен лист со фина гранулација.
Со мала варијација на притисокот одн. промена на степенот на број на осцилации може да го намалите бројот на осцилации на брусниот диск, при што се задржува ексцентричното движење.
Движете го електричниот алат со рамномерен притисок кружно по површината или наизменично по должина или попречно на делот што се обработува. Не го накосувајте електричниот алат, за да го избегнете брусењето низ делот што се обработува, на пр. лак.
По завршување на работниот процес исклучете го електричниот алат.