Монтирање на брусни алати

Пред било каква интервенција на електричниот алат, извлечете го струјниот приклучок од ѕидната дозна.

Не ги допирајте брусните плочи и дисковите за сечење додека не се оладат. Плочите за време на работењето стануваат многу жешки.

Напомена: Проверете дали испорачаната стезна прирабница (33) е правилно монтирана според сликата G.

Проверете го вметнатиот O-прстен (34) да не е оштетен и дали е правилно монтиран според сликата G. Заменете го оштетениот О-прстен (34).

Напомена: Се препорачува употреба на брзозатезна навртка (20). При употребата на затезната навртка (19) мора да сметате на зголемената употреба на сила при олабавување на затезната навртка.

Исчистете го вретеното за брусење (23) и сите делови за монтирање.

За зацврстување и олабавување на брусните алати притиснете го копчето за блокирање на вретеното (2), за да го зацврстите вретеното за брусење.

Притиснете го копчето за блокирање на вретеното само кога вретеното за брусење е во состојба на мирување. Инаку електричниот алат може да се оштети.

Брусни плочи/брусни плочи за сечење

Внимавајте на димензиите на алатите за брусење. Дијаметарот на дупката мора да одговара на приклучната прирабница. Не користете адаптери или редуктори.

При употребата на дијамантските брусни плочи за сечење внимавајте на тоа, стрелката за правецот на вртење на дијамантската брусна плоча за сечење да се поклопува со правецот на вртење на електричниот алат (погледнете ја стрелката за правец на вртење на погонската глава).

Редоследот на монтажата може да се види на графичката страница.

За зацврстување на брусната плоча/дискот за сечење завртете ја затезната навртка (19) и затегнете ја со клуч со два отвора.

По монтажата на алатот за брусење, пред вклучувањето, проверете дали тој е точно монтиран и дали може слободно да се врти. Проверете дали алатот за брусење не струга на заштитната хауба или другите делови.